Tura, March 7: South-West Garo Hillsni District Administration aro Tourism Department, Ampatini DRDA Conference Halloni Prime Minister baksa video conferenceko ong·ataha. Ua video conference tom·anio Prime Minister Narendra Modi, Nogorparao donggipa Chimite chibol rikamo rikgipa Tourist Facilitation Centreko oprake on·aha. Uko Prime Minister chel·a donge oprake on·atengon, biap bichamni bimingko segate dongipa rongpakko Meghalaya a•dokni Skotong Ministerni ma·gipa Soradini K Sangma oprakskaaha.
Tom·anio Rangsakonani MLA Subir Marak, Ministry of Tourism, Govt of India-ni Under Secretary Manju Mann, South West Garo Hillsni Deputy Commissioner R. P. Marak, South West Garo Hillsni SP Vikas Kumar, Boldamgreni MDC Stevie Marak, Nogorparani MDC Linekar Sangma aro okamatako man·gipa gipinrangba dongpaaha.
Nogorparao donggipa Chimite chibolni Tourist Facilitation Centreko rikna 2019-20 bilsio Ma·mong Sorkarini Swadesh Darshan schemeni gita tangka kror 2.65ko chamataha. Ia waltu saldongchakram nokjongjuni skanggipa gadango dring bongako kal·dik ki·gong gnang taria matchotaha. A·pa gadango song·ram, roram, cha·ramkoba taria matchotaha. Uarang Chimite Chibolko nigamwatani gimin dongna an·sengbea. Ia Chimite chibolkon gipin ku·sikchi Katta Beel inskaa.
Chimiteni tourist centreko nirokani kamrangko Deputy Commissionerna pakwataha. Ja·mano, uko niroke chalainagipana Deputy Commissioner on·skagen, aro uano dongchakni damrangkode unosa tik ka·gen.
Chimiteo tarigipana agreba Swadesh Darshan-ni ning·o bang·a projectrang Meghalayao gnang.
Na·simang iakoba poraie nina man·gen: Sak 425 gital doctor-rangna CM-ni jakchi appointment letter-rangko sualata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
