Guwahati, Jan 6: Arunachal Pradesh-ni Deputy Chief Minister Chowna Mein, Siang Dam-ko rikani gamchatani gimin janapatan baksa, Tibet-ni Yarlung Tsangpo chibimao dal•gipa hydropower project-ko China a•songni rikna mangsongenganina aganchakani ong•gen ine parakataha.
Kobor ra•timgiparang baksa agangrikengon, ian a•songko chel•chaksoenganina ja•ku de•engani ong•enga aro iani gimin manderangba ma•sichakna nanggen. Ia Siang Dam-ko rikani bidingo bilsi bonga mangna u•iataniko on•engaha, iani gisepon ia dam-ni gamchatani gimin adita manderang u•imanahaoba, China-ni bikotenggipa project Siang chibima aro chiringko maikai nosto ka•genchim uarangni bidingo bang•batan u•ikujaenga ine Mein aganaha.
Ia Siang Dam-ko rikna skang, Dam-ko rikna kragipa aro amama amjawa name sandichenganiko dakenba manderangni namgnina Detailed Project Report (DPR)-ko on•ani giminba talataha, unbaksana ia Dam-ko rikanichi manderangna namgniko ra•bana man•jagenchimode dam-ko rikjawa, indiba namgniko ra•bagen ine nikode dam-ko rikna a•bachengatgen ineba ua aganadapataha.
Una agreba, National Hydroelectric Power Corporation (NHPC)-ni gita dam-ko rikna porikka ka•e nianiko dakna on•china ineba ua jolo donggipa manderangko mol•molataha.
China-ni 60,000 MW hydropower project-ni gimin talatengon, uamangni rikgimin dam-oniko chi watatahaon Siang chibima aro ua jolni chiringrang aro unbaksana Guwahati-ni Saraighat dolong gimikan chi mripatako man•gnok aro uamang chi wataniko dontongatode Siang chibima de tipskagnok, uni gimin uamangna aganchakani ko on•skana gita Siang Dam-ko rikna sorkari ja•ku de•skaa ine Mein mikrakatanikoba on•angjolaha.
Ia 11,000 MW Siang Dam-ko rikna miksongenganiara, bijoliko mangmang bikotaijawa indiba chini jokruraanikoba simsakengani ong•a ineba ua aganaha.
Iani gisepon, China, a•gilsak gimiko dal•batsranggipa hydropower project-ko Yarlung Tsangpo-o rikna ra•chakmanaha. Ia dam-oniko, 60,000 MW bijoliko bikotna amgipa ong•a aro ian Three Gorges Dam-na duna gittam mangni gita batgipa ong•gen.
Na·simang ia video-koba nina man·gen:
Na·simang iakoba poraina man·gen: Bangladeshi aro Rohingyas-rangko India-ona niamgri napbana dakchakgiparangko Tripura-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
