Guwahati, Feb 2: 2018-19 bilsirangoni chio donggipa do·orangko chananio Kaziranga Tiger Reserve (KTR)-o bang·batgipa ong·e, Robibar salo World Wetland Day-ko maniani namen dingtangmanchagipa ong·aha.
Ia bilsini January 11 aro 12 tarikrango salgnina, dam 189 beel-rangoniko census ka·aha aro ia census ka·anio ming 124 rokomrang aro mang 1,12,062 chini do·orangko nikna man·aha.
Ia biapo indita chini do·orangko nikna man·aniara Kaziranga-o do·o-matrangko aro matburingrangko ripinge rakkianikosan ong·aigija India a·songni salgro salaram jolo dingtang dingtang rokomni do·orangko ripinge rakkianiko mesokaniba ong·aha.
Ia do·orangoni rokom 62-de sin·kario ma·chakgipa do·orang aro IUCN Red List-o parakani gitade, ia do·orangoni rokom 7-de a·gilsak gimikon gimana sienggipa aro rokom 15-de nikroroangjaenggipa do·orang ong·a.
Ia chio donggipa do·orangko chananio, forest official-rang, do·o nirikkigiparang, NGO-rang aro a·dokni volunteer-rangba bak ra·angtokaha.
Na·simang ia video-koba nina man·gen:
Na·simang iakoba poraina man·gen: Sikkim a•doko World Wetland Day-ni salko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
