Tura, Jan 14: Meghalaya a•dokni chiring chibisikrangko ripinge rakkiani bidingo chanchirimna gita, Meghalaya a•dokni Public Health Engineering (PHE)-ni Minister, Marcuise Marak, Meghalaya Basin Development Authority (MBDA)-ni official-rang baksa Mongolbar salo tom•bimonganiko ong•atangaha. Ia tom•bimonganio “Protection of Vulnerable Catchment Areas in Meghalaya” programme-ni bidingo mongsongbate chanchirimangaha.
Climate Change Adaptation Programme in the Himalayas-Component III aro a•dok sorkari ning•o KFW Germany Development Bank-ni tangka paisani gita dakchakaniko on•anichi, ia programme-ni gita rongtalgipa chiko on•a miksonganio chiring chibisikrangko ripinganio mongsongbate ja•kuko de•enga.
Indake ia programme-ni gita damgni chibisikrangko nisano done kam ka•enga.
Uan Umiew chiring chibisik ong•a, jeon dam bonga block-rang gnang chong•motan Mylliem, Mawkynrew, Mawphlang, 12-Shnong Laitkor aro Mawryngkneng ong•a aro ia jolo dongenggiparangna chiko on•a man•a gita chibisik ko ripinge rakkina miksonganio ja•ku de•enga. Indake minggipinara, Ganol chiring chibisik ong•a aro iani ning•o dam bri block-rang gnang chong•motan, Rerapara, Rongram, Samanda aro Selsela ong•a aro ia jolrangni ge•e game cha•anina ia chibisik an gamchatgipa ong•a.
Ia programme, dingtang dingtang dakchakaniko on•gen jekai, bol wa•a den•galaniko aro a•a ruaniko komiatgen aro kraa gita ge•e game cha•aniko dakna chol ong•gen. Unbaksana, climate-na dingtanganiko champengsona man•gen aro mikkangchi chiko man•a gita chiko ripinganina dakchakani ong•gen.
MBDA-ni official-rangba, ia project-ko chu•sokgipa ong•atnade jolo sason ka•enggipa dolrang baksa, samtangtango donggipa buring bolgrimni gimin u•igipa manderang aro songsalni organization dolrang baksa bakrime kam ka•na nanggen aro unbaksana, salantian nirokanichi aro iani bidingo workshop-rangkoba ong•atanichi pilak neng•nikarangko namdapatna man•gen ine aganaha.
Ia programme-ko a•bachengatanichi a•doko silroro namrorona aro climate-ni dingtanganikoba champengsona man•gen aro gipin a•dokrangnaba ja•rikgni dakmesokani ong•gen ine uamang janapataha.
Na·simang ia video-koba nina man·gen:
Na·simang iakoba poraina man·gen: Rymbai Shkenshynriah SC, Chipakkore FC-ko amatenba semi-final-ona doa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
