Shillong, Dec 8: India a•songo City Gas Distribution (CGD)-ni network-ko chu•gimik 100 percent gapatna tikkelanio Petroleum & Natural Gas Regulatory Board (PNGRB)-ni gita CGD-ni chang 12-gipa Bidding Round-na Road Show-ko Sukrobar salo, Shillong songjinmani Taj Vivanta Hotel-o ong•atangaha.

Ia Road Show-ko Meghalaya a•dokni Deputy Chief Minister Sniawbhalang Dhar, a•bachengate on•angaha aro ia program-o PNGRB-ni Chairperson Dr Anil Kumar Jain, a•dokni Additional Chief Secretary Shakil P Ahammed, PNGRB-ni Secretary aro Board membor-rangba dongpae bak ra•angtokaha.

Ia CGD-ni chang 12-gipa Bidding Round-ko salgro salaramni damdok a•dokrang aro Jammu & Kashmir baksana Ladakh-onaba natural gas-ko gipate a•songo 100 percent gapatna miksonge ong•atanian ong•engachim.

Ia Road Show-ko a•bachengate on•anganio a•dokni Deputy Chief Minister Sniawbhalang Dhar, tom•anio bak ra•enggiparangna aganprakangengon, batanggimin chang 11 Bidding Round-rango CGD-ni kamrangchi bang•en dingtanganiko ra•bana man•aha ine PNGRB-ko mittelpilangaha. Ian India a•songko gas-o pangchakgipa economy ong•atna dakchakgen ineba ua aganaha.

Iakoba poraie nina man·gen: Mizoram-ni gital CM, an·tangni minister-rang baksa ku·mikcheta