Shillong, April 22: 2025 bilsini SSLC porikkao 87.10% mangni gita chatro chatrirangni chu·soka jaman, Directorate of School Education and Literacy (DSEL), class 11-o admission ra·giparang rang·san barianichi man·enggipa neng·nikanirangko olgrokatna tarisamsoenga.
DSEL-ni Director Bantielang J Kharshandi ni parakatanigitade, sorkarini dam 4 skulrangko Higher Secondary dakatna tik ka·angaha maina ia bilsio sak 55,473 chatro chatrirang class 10 porikkao namtokgenchim ong·oba, class 11-o da·o dipet ge 51,000 seat-rangsan dongaia.
Ia neng·nikanirangko olgrokatna gita, sorkari da·o donggipa skulrango chu·onga gita chatro chatrirang gisiko nangenga ong·ode Science, Arts aro Commerce-stream-ko on·dapna chanchienga, maina gital stream-rangko bikotna gita sak 30 ba sak 40 chatro chatrirangko nanga. Sak 8 ba sak 10 chatro chatrirangnade ia gital stream-rangko a·bachengatna gita man·jawa maina bang·bata skigiparangko nangdapgen ine Kharshandi aganaha.
Uasan ong·aigija uamang bang·bata chatro chatrirangko nokchakna man·a gita morning shift ba pringo class ra·anirangko a·bachengatna miksongenga. Baghmara-ni College-rang jekai, Baghmara Government Secondary School aro Captain Williamson Sangma Memorial College-rango morning shift-rango sak 350 chatro chatrirang admission ra·na ka·dongsoenga ineba ua janapaha.
District School Education Officer (DSEOs)-rangko ia gital stream aro shift-rangko a·bachengatna gita proposal-rangko watatchina ge·etaniko on·ataha. Cabinet-ni gita namnike ra·chaka ong·ode, gital class ra·anirangko June jani 1 tariko a·bachengatna man·aba donga aro skigiparangko ta·rake nanganiko gapatna gita dikdiksana skigiparangko rakkianiko dakchengenba, Meghalaya Education Recruitment Board, cabinet-ni ra·chakaniko man·a jaman skigipani kamna ra·aniko dakangskagen ineba Kharshandi talataha.
Na·simang ia video-koba nina man·gen:
Na·simang iakoba poraina man·gen: Sonibar salo Pope Francis-ko gopgen ine Vatican parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
