Shillong, Sept 13: Sacred Heart Boys-ni assistant lecturer Pa Risakmen R. J Dkhar, Physics-ni a·bao dingtangmancha miksonganiko done, ki·tapni bimingko “Physics-The Magic Book” ine donenba Class XII-ni chatrorangna Shillong Press Club-o guide book ba ki·tap kingsako Mongolbar salo a·bachengate on·angaha.
Ia ki·tapko sea nokgipani aganani gita, tuition-rango dongna nangmangija poraienggipa chatrorangna an·tangtangari uamangni poraianirango gisik on·china gita dakchakaniko on·na miksonge ia guide book-ko ong·katataha ine talatan baksa, ia ki·tapko, poraienggipa sakantian ma·sina man·na gita altua bewalo seaha aro ia ki·tapko, MBOSE aro CBSE 2022-23-ni syllabus-o nangarang gimikko chu·gimik man·gope seaha ineba talataha.
Ki·tapko segipani talatani gita, “Poraigipa chatro-chatrirangni pring aro attamo salantin tuition-rangchi re·aniko nikronga indiba somoi gita noktangtango gisiko nange poraigipa chatrorang baksa result-rangko nisusaatode maming dingtanggrika donggijaniko nikna man·a.”
Unbaksana, “anga ia ki·tapko poraienggipa chatrorangni somoi aro tangkarang gimagniko komiatna miksongani gnangsa seaha aro ia ki·tapni gamchataniko chatrorang chu·gimik jakkalgenchimode, anga bebera·a uamang bang·en namgniko man·chongmotgen” ineba ki·tapni nokgipa agandapataha.
