Shillong, Dec 6: Bristibar salo, gnigipa Climate Investments & Technology Impact Summit-ko New Delhi songjinmani Meghalaya House-o ong•atangaha aro ia tom•anio, Meghalaya a•dokni Chief Minister Conrad K Sangma-ba dongpae bak ra•angaha.
A•gilsako ding•a aro sin•a batroroenganiko champengna dingtang dingtang kolrangko ra•gatani bidingo chanchirimna gita ia tom•aniko ong•ataha.
Ia tom•anio a•dokni Chief Minister Conrad K Sangma, jinmana aganprakengon, Meghalaya a•dokara buring bolgriman gapgipa a•dok ong•ani gimin tourism-na namgipa biap ong•an baksana dingtang dingtang gama ge•ani karkanarangko kulina chol donggipa biap ong•a ine aganaha.
Meghalaya a•doko bilsiantian nanga gita mikkarang warongani gimin gama ge•anirango dakchakaniko on•an baksana samtangtango ong•telaigiparangkoba name rakkina dakchakani ong•a ine janapatengon, iandake mikkarang jime warongani a•sel bang•a somoirangon neng•nikanirangkoba chagrongna nangrongskaa ine Chief Minister, iandakgipa neng•nikanirangko chel•chakna cholrangko sandina nangani gimin aganangaha.
Meghalaya a•dokni Livelihoods and Access to Market Projects, Community-led Landscape Management Project, Community-based Forest Management, Livelihood Improvement and Protection of Vulnerable Catchment Areas, Green Meghalaya Project aro Rejuvenating Rivers and Springs program gita dakgipa project-rangni giminba ia tom•anio Chief Minister, jinmana agan-talate on•angaha.
Ia tom•bimonganiko ong•atanio, gong crore 125-ni Advance Farming Cluster Project, gong crore 1300-ni Multipurpose Convention Centre, University Campus aro uandakgipa nokrangko rikna, gong crore 500-ni Meghalaya Cable Car Ropeway Project, gong crore 125-ni Sustainable Collection and Conversion of Septic Waste and Sewage Waste project, gong crore 1500-ni Artificial Intelligence aro gong crore 1000-ni Hydro Power Development project-na Memorandum of Understanding (MoU)-rangoba soi ka•grikangaha.
Na·simang ia video-koba nina man·gen:
Na·simang iakoba poraina man·gen: Chang 9-gipa Bharmaputra Valley Film Festival-ko Guwahati-o a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
