Shillong, July 6: Climate-ni bidingo u·i-ma·sie ra·ani cholrangko on·na gita miksonge, Upper Shillong-o donggipa Elephant Falls-ni sambajolo forest department-ni a·ao Climate Museum cum Centre-ko ru·utgijan Meghalaya sorkarini songnasienganiko a·dokni skotong minister Pa Conrad K Sangma, Bristibar salo Shillong-o ong·atenggipa G20 conclave-o bakko ra·engmitingo u·iatangaha.
Pa Sangma-ni aganangani gita ia biapo, a·doktangni aro a·song gimikni climate-rang dingtangani bidingo chatro-chatrirang re·bae dingtang dingtang dakgiparangni gimin u·i-ma·sie ra·anirangko dakna aro uarangni gimin cha·tote nipachina cholrangko on·na gita sorkari miksongenga.
“Ia biapo skul bi·sarangna skie-agane on·na aro agangrikanirangko dakna gita cholrang donga baksana, Conference room aro waltunagiparangnaba kutturirang dongjolgen.
Climate-ni bidingo nanchongmotgipa agan-chanchirimaniko dakna aro dingtang dingtang a·dokrang aro a·jarang nangrime kamko ka·na gita bilsiantin salgro-salaramni regional level-ni gita conference-ko ong·atjringna gita chinga chanchie ra·baenga ine skotong minsiter parakataha.
Ia project-na ia bilsini gisepon kamrangko ka·chakatgen ine u·iatangengon, Pa Sangma, salgro-salaram a·jolrango sin·a-ding·ani bewalrang dingtanganirango maming sima dongja aro iachi gimiknan apsan neng·nikaniko ra·baengani ine parakatenba, climate-ni dingtangrorobaengani bidingo salgro-salaram gimik nangrime kamrangko ka·na aro dingtang dingtang policy-rangko ra·gatna aro ja·kurangko de·na gita chingni ra·baenggipa ia chanchiani a·bao aro samtangtangna ong·enggipa obostarangni gimin chanchirimanio gimik a·dokrangan ku·cholsan ong·na nangchongmotengani giminba skotong minister parakatjolaha.
Iakoba poraie nina man·gen: Assam-o Adivasi bobil dolni manderang bame on•a
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
