Shillong, July 19: Meghalaya Residents Safety and Security Act, 2016-ko a•doko ra•gatkujaenga dipet gipin biaponi a•dok ning•aona napbae kam ka•e cha•enggipa gipin jatrangni lekka pancharangko sandianiko dakangkugen ine Khasi Students Union (KSU) Sukrobar salo parakataha.
Batanggimin ja 2 mangna, Khasi-Jaintia a•dokrangona gipin biaponi napbae kam ka•e cha•enggipa gipin jatrangni lekka pancharangko KSU dol sandianiko dakengachim, iani gisepon Skotong Minister Conrad K Sangma, iani bidingo chanchirimna gita uamangko an•tang office chamber-ona okamatahachim.
Indake Skotong Minister-ko grongani ja•mano, uni agangimin kattarangna suk ong•gijaniko KSU President Lambokstarwell Marngar parakataha aro ia sandianiko dakangkugen ine janapataha.
Sorkari ni gita gipin jatrangna work permit ba kam ka•e cha•na hukum on•anian, Interstate Migrant Workmen Act, 1979-ko talatani ong•engachim, jekon 2011 bilsio ia act-ni ning•o gital niam bidikrangko ra•gataiaha.
Indake ong•genchimoba 2020 bilsio, ia act-ko Work Permit Act ine sorkari parakatskaaha, jean gipin biaponi a•dokona napdrabaanirangko champengsona ra•gatgimin niam retirang chu•ongjachim ine KSU janapatenba Central Government Act baksa nangdime ia Act-ko mangrakbatatchinaba sorkariko ku•pattiataha.
Inner Line Permit (ILP) -ko a•doko ra•gatkujaengoba, Meghalaya Residents Safety and Security Act, 2016-ko da•o dipet ra•gatsona nangenga ineba KSU-ni President sorkariko didiataha.
Na·simang ia video-koba nina man·gen:
Na·simang iakoba poraina man·gen: 108 emergency service ka·giparangni dormahako bariatna sorkari tik ka·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
