Shillong, Dec 3: CM Connect program-chi Meghalaya a•dokni Chief Minister Conrad K Sangma, a•dokni dingtang dingtang biaprango songdongenggipa manderang baksa agangrikna cholrangko ra•engon, Mongolbar salo, ia CM Connect program-ko West Khasi Hills a•jani Nongstoin Block ning•o donggipa dingtang dingtang songrangnaba ong•atangaha aro ia program-ko ong•atanio, dingtang dingtang songni dilgiparang aro jolo songdongenggipa manderang, an•tangtangni neng•nikanirangko aro nanganirangko Chief Minister-na parake on•na cholko man•aha.

Songo noko rama jal•lang, health centre, tourism, skul nok, aro uandakgipa dingtang dingtang kamrango chagrongna nangenggipa neng•nikanirangko songni nokni dilgiparang, a•dokni Chief Minister-na agan-talate on•angtokaha aro uamangni agananirangko Chief Minister knatime ra•enba, manderangni neng•nikani aro nanganirangko ta•raken chu•sokate on•china dingtang dingtang department officer-rangko ge•etangaha.

Meghalaya a•doko manderangna nambata sanna banani cholrangko on•na sorkari kam ka•enga ine janapatengon, Nongstoin Civil Hospital-ko sorkari ta•raken namdapatgen ine Chief Minister ku•rachakaniko on•angaha.

Meghalaya a•doko kal•susaanirangko nambatatna gita sorkari, gong crore 1000-na baten koros ka•enga ineba ia tom•anio Chief Minister parakataha.

Na·simang ia video-koba nina man·gen: 

Na·simang iakoba poraina man·gen: USTM-o ong•atgipa Dr. Donkupar Roy Memorial National Debate Competition name matchota

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub