Shillong, Feb 26: Sombar salo, Industrial Policy-ni ning•o jilla kaanirangna subsidy-rangko on•jaengani bidingo sing•aniko dakon, jilla kaanirangko dakenganiko, industry ba karkana ine chanja indiba, cha•anirangko tarianiko dakengania, mingsa industry ba karkana ong•a aro ia minggnian apsan ong•ja inenba Skotong Minister Conrad K Sangma, Assembly-o parakataha.
Mawkyrwat-ni UDP legislator, Renikton Lyngdoh Tongkhar, jilla kaanirangko dakna subsidy-rangko on•engani bidingo ma•sina sikenba sing•aniko dakon, ia programme-ko batanggimin bilsionin a•bachengataha aro dingtang dingtang ge•e game cha•enggiparangna sorkarini gita, wak bi•sa aro do•bisarangko sualaniko dakenga inenba Skotong Minister aganchakataha.
Indake, CM-Elevate mingsa gamchatgipa Programme ong•a, jeon jilla kaanirangko dakna dingtangmancha sorkarini gita 50% mangni gita subsidy-rangko on•enga aro ia CM-Elevate-ni ning•o king 30,000 na batpile dorgastorangko jagnini gisepon man•soaha, ianoni king 20,000 de jilla kaanirangna dorgasto galgiparang ong•achim ineba ua janapataha.
Indake iani gisepon, a•doko ge•e game cha•enggipa manderangna chu•unga gita dakchakaniko on•enga aro ge•gimin gamgimin bosturangko salrurana gitaba, bol 100 pickup truck-rangkoba on•ataha ine aganan baksa, mikkangchi bilsi 5 mangni gisepo bol 500 garirangko on•angskagen ineba ua ku•rachake aganangaha.
Unbaksana, a•dokni ning•o cha•anirangko tarianio dakchakaniko on•a gita, gitalgipa energy system-ni tru, indin bijoliko jakkalna sorkari on•enga ineba ua janapataha.
Na·simang iakoba poraie nina man·gen:GHADC-ni gital EC-ko rikchengaoni gimik ja 34-ni dormaharangko on•aha: CEM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
