Shillong, Apr 16: Chief Minister’s (CM) Guidebook-ko ra•gatanina dingtang dingtang dolrang sorkariko matnangtokengon, ia CM Guidebook-ara private tuition-rangko ra•na chol ong•gijagipa aro songsalo kangal cholgri ong•gipa chatro chatrirangnade dingtanganiko ra•baani chol gita ong•aha ine a•dokni BJP MLA Sanbor Shullai, chakpaaniko parakatskaaha.
Ia CM Guidebook-ko ra•gate on•ahani gimin a•dokni Chief Minister Conrad K Sangma-ko mittelpilangengon, ia CM Guidebook-ko ra•gatanichisa ia bilsini Secondary School Leaving Certificate (SSLC) porikkao chatro chatrirang, batanggimin bilsirangona bate pass ka•na man•aha ine Shullai parakataha.
Shullai-ni seachi parakatani gitade, ia guidebook-ara chatro chatrirangna, mongsongbate poraianio bilgrigipa chatro chatrirangna, porikkana tarisamsoanio bang•en dakchakanirangko on•aha aro uandaken ia bilsini SSLC porikkao chatro chatrirang bang•baten chu•sokgipa ong•na man•aha.
Iandakgipa ja•kurangko de•anichi a•doko lekka pora man•aniba tang•dogen aro changsaode 100 percent literacy rate man•ani cholrang donga ineba BJP MLA parakataha.
Poraianio bilgri ong•gipa chatro chatrirangnade porikkao pass ka•aniara namen dal•begipa chu•sokani ong•aha ine janapatengon, iandakgipa chatro chatrirang da•ode, class 10-ko pass ka•na nanggipa dingtang dingtang kamrangna dorgastorangko galpana man•gnok ine Shullai parakataha.
CM Guidebook-ko ra•gatanina sorkariko matnangenggipa dingtang dingtang dolrangkoba BJP MLA raken jegalataha.
Lekka porani kamrangosan ong•aigija dingtang dingtang kamrango namroro silroroaniko ra•bana man•engani giminba Shullai, Chief Minister Conrad K Sangma-chi dilenggipa MDA sorkariko mittelpilataha.
Na·simang ia video-koba nina man·gen:
Na·simang iakoba poraina man·gen: Sanengmitingo bilsi 2 ong•gipa bi•sako satkapanina Assam-ni doctor saksako rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
