Shillong, Jan 30: Skotong Minister Conrad K Sangma, South Garo Hills-ni Tolegre songo man•gipa gitcham matburingni ro•ong pil•gimin adita bakrangko cha•uaniara namen dukni katta ong•an baksana rasong griani ine aganataha. Ia ro•ong pil•gimin bimangrangko man•gipa biapara Nokmarangni a•king ong•ani a•sel sorkari altuae kam ka•na gita man•ja ineba ua agandapangkuaha.

Jatni dilgiparangni a•a ong•ani a•sel sorkarirang neng•nikanirangko man•enga ine aganengon, uamang bilrangko jakkalgenchim ong•ode ian a•a sekraa ine matnanganirangko man•aba dongachim ine Skotong Minister u•iatangaha. Uni gimin sorkari naljokaniko on•ani aro napanirangko champengatan baksana ia biapko Geological Survey dolrang sokbakuja dipet kal•akgija ba tangdapgija donchina gita u•iataha.

Sorkarini gita ia biapko naljoke rakkina gita ja•ku de•anirangko dakgenchim ong•oba, ro•ong pil•gimin bimangrangko cha•uanikode ka•dongsojachim ine Skotong Minister u•iatan baksana iani bidingo FIR-ko segatenba am•sandianirangkoba a•bachengataha aro bakan police dolrang cha•ugimin bimangrangko man•pilan baksana dos dakgipa manderangkoba rim•e on•gen ine an•tangni ka•donganikoba ua parakataha.

Uasan ong•aigija, Geological Survey of India (GSI)-ni gita ia jolrangniko am•sandianiko dakangkugen maina ia jolrango bang•a ro•ong pil•gimin bimangrang baksana mongsonggipa science-ni gimin u•iatanirang dongkunaba donga ine aganengon, songni manderangba ia biaprangko ripinge rakkianio dakchakanikoba man•a ka•dongsoenga ineba Skotong Minister parakataha.

Na·simang ia video-koba nina man·gen:

Na·simang iakoba poraina man·gen: Meghalaya a•doko UCC-ko ra•gatna miksongani dongja: Conrad

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub