Shillong, Feb 27: Mongolbar salo, Chief Minister Youth Development Scheme (CMYDS)-ko 2023-2024 bilsini gisepo chu•sokatna gita, gong crore 5.50 tangkarangko chamataha inenba Sports & Youth Affairs-ni in-charge Minister, Shakliar Warjri, Assembly-o parakataha.
Indake, gong lakh 30 tangkarangko, Shillong aro Tura-ni Deputy Commissioner-ni jako on•ataha aro gipin dam 10 a•jarangna gong lakh 17-koba on•angaha ineba Warjri jinmao u•iataha.

Nongkhrem-ni VPP MLA, Ardent Basaiawmoit-ni ia scheme-ko MLA-rangni jak gita on•engama ine sing•on, ia scheme-ko DC aro Sports and Youth Affairs-ni Directorate-rangni jak gitasa on•gen inenba ua aganchakaha.

Indake ong•engon, ia scheme-ni ning•o on•enggipa fund-rangko constituency gita on•gija, Deputy Commissioner-ni ning•o segatgimin organization ba club-rangni krisa on•anggen ine Minister-ni janapatahaon, Mawhati-ni Congress legislator, Charles Marngnar, ia scheme-ni ning•o on•enggipa fund-rangko constituency-ni tru on•ani gimin nipiltaina gita chanchisamsonirang dongengama inenba sing•doataha.

Na·simang iakoba poraie nina man·gen:Manipur-o tom•tomaniko ra•bapilchina dabie LIMIT dolni dilgipa okumu chake jingjengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020