Guwahati, July 19: Compressed Natural Gas (CNG)-na Value Added Tax (VAT) ba kajina gamaniko 14.5% oni 5% ona komiatengaha aro ian March 31, 2027 bilsiona ong•gen ine Assam Sorkari parakataha.
Skotong Minister Himanta Biswa Sarma-ni dilanichi a•dokni cabinet tom•bimonganio, rongtalgijagipa balwarangko bon•atna aro an•seng baljokgipa a•dok ong•atna miksonge ia ja•kuko de•ani ong•a ine parakataha.
Union Petroleum Minister Hardeep Singh Puri, sorkari ni ia ja•kuko de•enganina ‘X’-o mitelpilskaaniko dakatatan baksa Prime Minister Narendra Modi-ni gas-based economy ba gas-ko bikotanichi janggi tangani gadangrangko namdapatna niksamsoaniko chu•sokatna ja•ku de•aniko mesokaniba ong•enga ine janapataha.
Assam a•doko, gitcham Skotong minister Sarvananda Sonowal-ni jakchi CNG station-ko 2019 bilsini August jao Dibrugarh-o oprakangenba a•bachengatahachim.
Indake Guwahati-ni skanggipa CNG station-ko, 2023 bilsini January 2 tariko, da•o Skotong Minister ong•enggipa Himanta Biswa Sarma-ni jakchi nokdonggae on•angenb a•bachengataha.
Assam Gas Company Limited, Oil India Limited aro Gail Gas Limited baksa bakrime kam ka•enggipa Purba Bharati Gas Pvt Ltd (PBGPL), Guwahati-o dam 2 CNG station-rangko chalaienggipa ong•a aro mikkangchi dam 2 station-rangko chalaiangkuna mangsongenga. Unbaksana, ia company Dibrugarh, Kaziranga aro Duliajan a•jarango dam 4 station-rangko ba chalaiengachim.
Assam, Kamrup, Kamrup Metropolitan, Cachar, Hailakandi aro Karimganj-o City Gas aro CNG Network-ko songna gita Petroleum & Natural Gas Regulation Board-ni git PBGPL-na hukumko on•manaha.
Indake PBGPL a•dok gimiko dam 15 CNG-rangko songna mangsongenga jeonikon, dam 13 station-rangko ru•utgijan chalaignok. Indake Assam Gas Company Ltd-ba dam 4 CNG-rangko a•dokna on•gilatpaaha.
Sorkari ni ia kajina gamaniko komiatenganiara para gari aro private garirangko salgiparangko aro unbaksana noko jamo jakkalenggiparangko aro karkanarangko rikenggiparangko mikbokatna man•a gita ong•enga ine expert-rang aganaha.
Na·simang ia video-koba nina man·gen:
Na·simang iakoba poraina man·gen: Assam a•dok sorkari bilsi chu•onggija bia ka•ani aro jik ba se bang•e ra•aniko champengna gita rakbegipa ja•ku de•aniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
