Guwahati, June 8 : Assam Jorhat constituency-o gital seoka man•gipa Congress MP Gaurav Gogoi, sukrobar salo, mikkangchi Narendra Modi-ni gimin agana man•gijaniko parakatan baksana, coalition government ba sorkari rikna gita dol jinmani chapgimin sorkariko dilna changja ineba matangaha.
“Coalition government-ko dilna gitade, ka•sachakninggipa, apale chanchigipa aro kangal cholgrirangna dakchakna sikgipa ia indakgipa gunrang dongna nanga. Aro ia indakgipa gunrangde an•chingni gitcham Prime Minister Manmohan Singh aro Atal Behari Vachpayee mangosa gnangchim, aro angni chanchiani gitade ia pilak gunrangan Modi-o dongja. Uni gimin, uni indita bilsi ru•ute PM ong•e donganiara sing•anirangko nabaata,” ine kobor ra•timgiparangna Gaurav Gogoi aganangaha.
“Uttar Pradesh-ni manderangan PM baksa kusi ong•jaenga ong•ode, baditana Modi-ni dilaniko coalition-ni dolrang chu•ongnike donggen iani gimin jajrenganirangba sokbaa,” ineba Gogoi janapangkuaha.
BJP dolrangni mongsonggipa biaprangon vote-rang komiroroanganiko aro Salgro Salaram jolo Congress dolni chu•sokaniko, Gogoi jaksi ote mesoke aganangaha.
Na·simang ia video-koba nina man·gen:
Na·simang iakoba poraina man·gen: So•sojengjeng ong•enganirang batroroengon, Jiribam-oni Meitei nokdangrangko security forces-rang rimongkata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
