Tura, Jan 11: Meghalaya Cricket Association (MCA) aro Tura District Cricket Association (TDCA) nangrimenba, January 25 tariko BCCI-ni ong•atenggipa Colonel C. K. Nayudu Trophy kal•susaaniko, Tura Alotgre Cricket Ground-o sokachaknasienga.
Indake ong•engon, ia kal•susaanio bang•a dolrangan Shillong songjinmao kal•anggenchimoba, Meghalaya aro West Bengal dolni gisepo susagrikaniko Tura-o kal•anggen aro ian Garo Hills a•jao cricket kal•ani a•bao dal•bea chu•sokaniba ong•enga.
TDCA aro MCA-ni member ong•enggipa Salmitmat Marak, Hub News baksa agangrikengon, ia kal•susaaniko nina chol on•a aro chakpaaniko on•china gita bang•a asongchakani biaprangko manderangna tarisamsogen aro ia kal•susaaniko pringni 8 bajioni a•bachengatna tik ka•angaha ine aganaha.
Indake, ia kal•susaanina tarisamsoanirang aditan matchotangengaha aro je bangki tarisamsona nangkuenggiparangko January 17 tarikni gisepon matchotatgnok.
Alotgre Cricket Ground, ian Garo Hills a•jao ge•samangmang BCCI-ni gita tarigipa stadium ong•a aro ian a•jani mingsa mikkim rasongba ong•enga aro ia stadium-o ia kal•susaaniko ong•atenganiara jolo cricket kal•aniko tang•doatna miksonganio ong•enga.
Colonel C. K. Nayudu Trophy-ara bilsi 23-ni ning•o ong•gipa dolrangna ong•atenggipa Tournament ong•a aro ian India-oni Test Cricket-ni skanggipa captain ong•chenggipa C. K. Nayudu-ko gisik ra•na gita uni bimungchi minggipa tournament ong•a.
Na·simang ia video-koba nina man·gen:
Na·simang iakoba poraina man·gen: Skotong Minister, East Khasi Hills-ni Siej songona bus-o songreanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
