Tura, Oct 17: Central Agricultural University (Imphal)-ni ning•o donggipa Tura-ni Community Science College, Budbar salo World Food Day-ko maniani bak gita dingtang dingtang jatni cha•anirangko mesokangan baksana pala sim•anirangkoba dakangaha.
Ia program-ko Community Science College-ni Food Science & Nutrition Department ong•ataha aro ia program-o bak ra•giparang, India a•songni dingtang dingtang bakrango donggipa dingtang dingtang jatrangni cha•anirangko cha•tote nina cholko man•aha.
Ia program-ko Community Science College-ni Dean, Dr Jyoti V Vastrad, a•bachengate on•angaha aro ia program-ko ong•atani bidingo talate on•angengon, an•seng baljoke dongna gita kario man•gipa aro joltango man•gipa cha•anirangko cha•na nanga ine aganangaha.
Ia program-ko ong•atanio college-ni skigipa Dr Natasha R Marak-ba jinmana aganprakengon, dingtang dingtang jatni cha•anirangko skie ra•na man•na gitasa ia program-ko ong•ataha ine parakataha.
Ia program-ko ong•atanio, college-ni chatrirang aro skigiparang, Khasirangni ‘Jadoh’, Manipur-ni ‘Sinju’, ‘Kelichana’, Garorangni ‘Kapa’, ‘Jakkep’, ‘Pita’, Mizoram-ni ‘Chakkawh Tauh’, ‘Arsa Buhchiar’, South India-ni ‘Idli’ aro uandakgipa dingtang dingtang cha•anirangko tarie, jinmana mesokangaha.
Na·simang ia video-koba nina man·gen:
Na·simang iakoba poraina man·gen: OC Blue SPL 2024-ni skanggipa susanio Sawmer SC chegipa ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
