Shillong, May 7: Budbar salo, chong·motan 2025 bilsini May 7 tariko, Vatican songjinmani Sistine Chapel-o sak 133 cardinal-rang conclave ingipa rongtalgipa tom·bimonganio jinma apsan tom·dakenba chang 267-gipa Pope-ko seokaniko dakanggen. Ian skang chasongonin ja·rikbaenggipa dakbewal aro Church-ni document, Universi Dominici Gregis ingipa lekkao segimin dingtangmancha niamrang jekai, bi·anirang, name chanchisamsoe dakani aro bebe ra·ani Isolo bebe ra·e ning·tue chanchibewalaniko ja·rikani ong·a.
Iani a·bachengo, cardinal sakprakan ‘I elect as Supreme Pontiff’ ine segimin ballot-ko man·gen, jeon uamang Pope-na kragipa mandeni bimungko segen. Vote ka·aniko a·bachengatna skang, dakchakaniko on·giparang aro secretary-rangko man·chape vote ka·na man·pagijagipa sakantian chapel-oni ong·katna gita nanggen. Uamangni ong·kata jaman Senior Cardinal Deacon dogarangko chipatgen.
Iani jamano, Cardinal gimikoniko sak 9-ko seokanggen, jeoni sak 3-de vote-rangko chantimgen, cardinal-rangoni sagipa dongode uamangna sak 3 dakchakaniko on·anggen aro dongkuenggipa sak 3 vote-rangko chantaianiko dakanggen.
Cardinal sakprakan ballot-o bimungko see, ballot-ko dem·enba, jako ra·e ganchiona re·angenba, kakket ong·e vote ka·aniko dakgen ine rak·bee ku·rachakaniko dake, chalice ingipa cup-o ballot-ko donatgen. Saoba cardinal saenga ong·ode seokgimin cardinal-rang una dakchakaniko on·anggen. Badiaba cardinal saenba re·bana mangmangba man·ja ong·ode uni vote-ko jamano dingtangmancha re·ange ra·enba jinmani ballot baksa donatgen.
Vote-rang on·a jaman, ballot gimikkon brinatenba, chananiko dakanggen. Vote ka·gipa aro vote man·aming apsan ong·ja ong·ode vote on·aniko den·galenba vote ka·piltaianiko dakatgen. Name nianirang matchotahaon, vote-rangko rake jinmana minge on·anggen. Saksa mandeni ballot king 2-on apsan mandeni bimung ong·ode uko ge·sa daken chanaigen, indiba king 2-on bimung dingtang dingtang ong·ode king 2-kon chanskajawa. Indake jamano nia matchotgimin ballot-rangko name tarienba ka·e donatgen.
Pope-na seokaniko man·a gita saksa cardinal, sak 89 cardinal-skarangni vote-rangko man·a nanggen. Round park-ni vote-rangkon reviser-rang name nianiko dakanggen aro uni jamano ballot-rangko dingtangmancha tarigimin wa·al so·chakanio so·e galgen. St. Peter’s Square-ni kosako donggipa chimney ba wal·ku rama tom·bimongani biteko mesoka chong·motan wal·ku gisim ong·ode uan darangkoba Pope-na seokkuja aro wal·ku gipinni ortoara gital Pope-ko seokaha ine mesokani ong·skaa.
Vote ka·ani salo chang 4 dake ong·gen chong·motan pringo chang 2 aro saljatchio chang 2 dake seokaniko ong·gen. Sal 3-ni jamano darangba chegipa dong·jaode, Senior Cardinal Deacon-ni dilanio cardinal-rang vote ka·aniko dondikatenba bi·ani aro nipiltaianina somoiko ra·a aro iako round 7 vote ka·a jaman pangnan dakronga. Uni jamano, Senior Cardinal Priest aro Senior Cardinal Bishop, didiani kattarangko aganronga.
21 round ja·manoba Pope-ko seokna gita man·ja ong·ode, batanggimin roung-rango bang·bate man·gipa sak 2 candidate-rangnasan bon·kamgipa round-o vote on·a gita man·aiaha. Iani gisepon uamang an·tangna maming saloba vote on·a gita man·ja.
Cardinal, chu·onga gita vote-rangko man·an baksana Pope ong·na namnike ra·chakaha ong·ode, uko chapel-ni sambao donggipa “Room of Tear” ingipa chonbegipa kutturiona rimanggen, jeon una gipok rongni papal rope ba Pope-ni gandingko ganatgen. Uni jamano ua St. Peter’s Basilica-ni balcony ba nigamramona re·baenba, gitalgipa Holy Father ong·e a·gilsakko salam ka·anggen.
Na·simang ia video-koba nina man·gen:
Na·simang iakoba poraina man·gen: Kror 30 ni pekatgipa bosturangko Mizoramo rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
