Guwahati, April 16: Sonia Gandhi aro Rahul Gandhi ma·ningsako National Herald caseni bidingo Enforcement Directorate Office Guwahati oni mokordomako segatahanina Assamni congress dolna chakpagiparang uamangni dilgipa Bhupen Borah ni dilanio ED office nokmikkango jegalgrimna tom·dakahachim. Women Congress President Mira Barthakur, MP gitcham Ripun Borah, MLA Zakir Hussain Sikdar, MP Pradyut Bordoloi aro niksenggipa Congress a·gipirang ia jegalanio bak ra·na re·baaha.
Indioba jegalaniko dakna tom·dakmiting somaio chelchakgipa dolrang uamangko champengaha aro Bhupen Borah aro gipin a·gipi dilgiparangko rim·e ra·angaha.
“Sonia aro Rahul Gandhi manderangni ku·rangrangko, nangnikanirangko knachake kam ka·giparang ong·a. Narendra Modi iandakgipa manderangko namnikja, indiba manderangko cha·bokna, togina, tol·pinapna sikgipa gisik ong·a. Am·rikkie galona mamingkon man·jae da·al ia ED ko jakkalenga aro onchepna jotton ka·enga” ine APCCni padot Bhupen Borah koborna aganaha.
” BJP sorkari Congress dolko ra·ongalna nie dongenga. Uamang saksa sakgipinko nina man·gijagipa, torom basegipa dol ong·a. Chinga indake dakanganiko nangnikja, a·songni manderangna kakketao dangdikako nangnika aro iana chinga wamisiljawa, dal·bate re·jomae jegalaniko dakangkugen” Me·chik Congressni dilgipa Mira Barthakur aganaha.
“Sak 5000 manderangni chimonggimin tangkaranga bano nape dongenga? Iandakgipa obostaona maina Congress dilgiparang jokata? Uamang iana aganchakna nangchongmotgen” BJPni agantomgipa Rupam Goswami sing·doaha.
Na·simang ia video-koba nina man·gen:
Na·simang iakoba poraina man·gen: CM Guidebook-ara cholgri ong•gipa chatro chatrirangna dingtanganiko ra•baani chol: BJP MLA
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
