Shillong, Dec 4: Mongolbar salo, Meghalaya Pradesh Congress Committee (MPCC)-ni President Vincent H. Pala, Congress dolo re•bapilna sikgiparang aro je party-oniba napna re•bagiparangko nokchakna gita jaboldam ong•ja ine u•iatengon, saoba party-ona re•bapilna sikgiparang donga ong•ode party-ni mikkimko rakkina gita All India Congress Committee (AICC)-ni namnike ra•chakaniko man•a gita nanggen ine u•iataha.
Party-ko watanggipa banga manderangan dilgiparang aro party-ni gipin manderangni kosako matnanganirangko dakangaha, uni gimin uamang party-ona re•bapilna am•a ong•ode Delhi-oni namnike ra•chakaniko nanggen ine aganengon, dolna bimung namgijako ra•bajana gita dolo napatna skang uamangko name nianiko dakchengna gita nanggen ineba Pala u•iatangaha.
Neng•nikani somoio gisiko nange kam ka•gipa Congress member-rangko ra•doe aganengon, dongrikgipa Congress dolni manderangko mande gamchatnike gital dolo napbagiparangko nokchakna nangani giminba, Pala u•iatangaha. Party-ni namroro silroroanina, gital party-ni member-rang baksa apsan bakrime kam ka•na nangan baksana party-o dongrikgipa member-rangba dingtang dingtang cholrangko man•a kragiparang ong•a ine aganangaha.
Na·simang ia video-koba nina man·gen:
Na·simang iakoba poraina man·gen: Gital Assembly-ko matchotna sal 100 ra•dodapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
