Guwahati, Apr 23: Assam a•doko ong•atenggipa Panchayat Election-o Congress dol chena gita rakbee kamrangko ka•engachim indiba Chief Minister Himanta Biswa Sarma-chi dilenggipa Assam sorkari, Congress dolko jakgitele kam ka•na on•jaenga ine Budbar salo, All India Congress Committee (AICC)-ni national coordinator Charan Singh Sapra matnangataha.
Iani bidingo kobor ra•timgipa manderang baksa agangrikengon, Panchayat election-o susana gita Congress dolna kam ka•enggipa pilak manderangan rakbee kamrangko ka•enga indiba BJP-chi dilenggipa Assam sorkari, a•songni niam bidikkon pe•e, Congress dolko champengna jotton ka•skaenga ine Sapra aganaha.
Congress dolna kam ka•enggipa manderangni kosako BJP sorkari, tol•e case-rangko ka•enga aro police-rangba sorkarini ning•o ong•e Congress membor-rangko ka•mikkenate roenga ine Sapra aganaha.
Assam-o Congress dol bilakbapiltaiengaha ine janapatengon, ia panchayat election-osan ong•aigija re•baenggipa 2026 bilsini Assam Assembly election-oba Congress dol bilakbate susana man•gnok ine AICC-ni national coordinator parakataha.
Jammu & Kashmir a•doko bobil dake chakatgipa manderangni, dosgri manderangko goe so•otani giminba Charan Singh Sapra, ma•mong sorkariko matnangataha aro ian Pakistan a•songni dakchake on•enggipa bobil dolni kam ong•a ine parakataha.
Na·simang ia video-koba nina man·gen:
Na·simang iakoba poraina man·gen: Sikkim-o Mountain Rush Rally-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
