Tura, June 5: Chang 3-na kingking MP ong•anggipa NPP-ni candidate Agatha K Sangma-ni kosako, Congress dolni Saleng A Sangma chegipa ong•ani jaman, Garo Hills a•jani Congress-na chakpagiparang opposition dol TMC-na ka•dingstektokaha.
Batanggimin somoirango, TMC-ni candidate Zenith Sangma, Congress dolko huro baksa toe aganahachim, aro ia kattarangna, Congress dolna chakpaaniko on•gipa manderang gisiko dingchaoe ka•o nange dongtokaha.
Indake June 4 tariko uamangni chakpagipa dol cheaha ine u•iahaon, huroni mikoa gita chacha mikotokaha.
Congress dolni Saleng A Sangma, uni cheani salo Tura songjinmao cheani re•jomaaniko dakangaha, aro una chakpagipa manderangba dozen-ni dozen garirango re•jomaaniko dakpaenba TMC-na kobor sokatna ine rama jolgimikan huroni mikoa gita jinmaan gam•e mikotokaha.
Hoolock Gibbon ba Huro, Tura-ni chu•gipa a•brirango donggiparang ong•a aro uamangko gam•e mikona man•ani gimin u•ibata. Uamang pringni sal nabahaon, cha•aniko am•roroe a•brioni Tura songjinma sepangjolona ong•onbaronga.
Apsan daken, pringni sal nabaa changantian, TMC dol aro uni candidate, huro mikoaniko knahaon ia salko gisik ra•jringgen.
Na·simang ia video-koba nina man·gen:
Na·simang iakoba poraina man·gen: NDA-ni gital sorkariko Sonibaro rikgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
