Aizawl, Oct 16: Mizoram Assembly election-ko November 7 tariko ong•atengani gimin Sombar salo, Congress dolni dilgipa Rahul Gandhi, Mizoram a•dokni skotong Aizawl songjinmaona re•baenba, ia election-o Congress dolni candidate-rangko seokchina gita Mizoram a•dokni manderangko didiangaha.
Assembly election-o Congress dolko seokchina Mizoram a•dokni manderangko didiangengon, Congress dolmangmangsan, Mizoram a•doko songdongenggipa manderangni daka rikani aro bebera•aniko naljokatna man•gipa dol ong•a ine Gandhi aganaha.
Manipur a•doko ong•enggipa golmalrangni gimin janapangengon, BJP sorkarini ning•o iandakgipa so•sojengjeng ong•anirangko Manipur a•dokmangmangosan nikna man•enga ong•ja indiba a•songni dingtang dingtang biaprangoba nikna man•enga ine Congress dolni dilgipa aganaha.
Rahul Gandhi-ni parakatani gitade, Congress dol dingtang dingtang a•dokrango namroro silroroaniko ra•bana aro game ge•e cha•enggipa manderangko chel•chakna kamrangko ka•engon, BJP sorkaride iandakgipa kamrangko nisigalskaengachim.
Manipur a•doko manderangko so•ote galenga aro me•chikrangko kal•ake roenga indiba a•songni Prime Minister Narendra Modi, ia obostarangko re•bae nina gisiko nangjaenga ineba ua BJP sorkariko matnange aganangaha.
Mizoram a•dokona re•baanio Rahul Gandhi, dingtangmancha Chandmari-oni Raj Bhawan-ona jinma re•jomaniko dakdilangaha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
