Shillong, Aug 19: Sombar attamo, Congress dolni MLA sakgittam, chong•motan Umsning-ni MLA Dr Celestine Lyngdoh, Mawhati-ni MLA Charles Marngar aro Nongstoin-ni MLA Gabriel Wahlang, National People’s Party (NPP)-o napangaha aro uandaken da•o Assembly-o Opposition membor-rang sakgittamchi komibatangaha.
NPP-o napna miksonganirang donga ine knasoani ja•man ia sakgittam MLA-ko adita salrangna skangsan bilsidokna Congress dolo membor ong•aoniko dontongatahachim indiba ia MLA-rang, nipilani gri Sombar attamon NPP-o napangtokaha.
2023 bilsini Assembly election-ni ja•man Congress dolo sakbonga MLA-rang dongkuengpitichim indiba Gambegre-ni MLA Saleng A Sangma, Tura-ni gital MP-na seokako man•ani ja•man aro da•o MLA sakgittamba NPP-o napangskaahani gimin Congress dolo Opposition dolni dilgipa Ronnie V Lyngdoh saksakamkamsan dongaiaha.
Indake ong•engon, ia MLA sakgittamko NPP-ona, Meghalaya a•dokni Chief Minister aro NPP-ni national president Conrad K Sangma, state president aro a•dokni Deputy Chief Minister Prestone Tynsong, NPP-ni national general secretary aro Deputy Chief Minister Sniawbhalang Dhar baksana NPP-ni dingtang dingtang dilgiparang rimchaksoaha.
Koborko on•ani gitade, NPP-o bakrimena gita ia sakgittam MLA-rang, Meghalaya Legislative Assembly-ni Speaker-na dorgastoko on•angchengaha aro ia MLA-rangni bidingo bakan Speaker nanga gita ja•kurangko de•anggen.
Na·simang ia video-koba nina man·gen:
Na·simang iakoba poraina man·gen: Rongjeng Model Degree College-ko CM kulie on•anga; College-ko PA Sangma sagini bimingchi minggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
