Shillong, Dec 19: Mikkang bilsio Meghalaya a·doko mongsonggipa eleksin ong·nasienggipana skang, da·ororo memborrangni katjojo-napjojo dakanirangko nikna gita man·engon, East Shillong constituency-ni Congress MLA Ma Ampareen Lyngdoh baksana West Shillong-ni Congress MLA Pa Mohendro Rapsang-maang, Sombar salo, Meghalaya Legislative Assembly-ni Commission Secretary, Andrew Simon-ni jako kam watani chittirangko on·angaha.
Indake ong·engon, kam watani ja·man uamang sakgnian Madan Iewrynghep-o tom·aniko ong·atgipao National People’s Party (NPP) dolo napangtokna am·enga aro NPP dolni skotong dilgipa Pa Conrad K Sangma, uamangko dolona rimchaksoaniko dakanggen ine koborna u·iataha.
