DIBRUGARH, Mar 27: Dol gipinni manderang nama ramakode mesokna man·gija dilsretani kattarangkosa aganenga ine Union Minister Sarbananda Sonowal aganaha.
Pandit Jawaharlal Nehruni chasongonin Assam ba Northeast a·dokrangna Congress namroro-silroroani aro chel·chakaniko komibate on·aha aro manderangni namgniko dal·e ra·jaha ine Sonowal matnangaha. Congress-ni chasongo Assamese manderangko ka·saninggija dakaha ineba ua aganaha.
Congress baksa bakrimgipa dolrango ka·dongna man·gijaniko aganengon, ua dolrang Assameserangni bak-rengsiko ra·nasa mikpakma nienga ine ua inaha.
Sarbananda Sonowal, jean BJP candidate ong·e Dibrugarh Lok Sabha consituencyoni susaenga,
Tingkhang-o tom·e aganprakanio Congress dolko bang·en matnange aganaha. “Congress Assamni manderangni kosako IMDT Act-ko ra·gataha, India gimikode ong·ja. CAA-de India gimikon ong·a, uade Assamni manderangko sinjetna Congressni ra·gatgipa IMDT Act gitade ong·ja. Congress-de Assamni mande ong·gijagiparangming melie, bilna riktingtinge, Assamo songpang manchagipa Khilonjiya manderangna gimaako ra·bana jotton ka·aha. CAA-ko jeani gnangode uko courto badi ka·na man·a, aro uko da·o Supreme Courto ong·enganirangko niken u·ina man·a. Courtni rai on·ako ra·chakna sorkari kusi ong·a” ua aganaha.
“Congressni dilenggipa Opposition angni Asomya ong·aniko sing·na kragipa ong·ja. Anga ka·tongchi, gisikchi aro kamchi Asomiya ong·a. Congressni IMDT Act-ko jegale aro ra·bie anga jajagijan Suprem Courtona ra·angaha. Bilsi dok dakgrikanio anga pangnaba miksongatangoni wagiljaha. Ua niam Assamko dingtangmancha sinjetgipa ine bon·kamaode Supreme Court rai on·aha. Apsan a·songni manderang ong·eba ia Congressni manderang Assamni manderangko gadang onbatao donna jotton ka·aha. Angni sikanirangde MLA ba MP ong·nasan ong·ja, angni mongsongbatgipa kamde Assamni namgnina ku·rang on·e kam ka·anisa. Anga je gadangoba dongbo, Assamese manderangni bil-rengsi aro namgnirangna chel·chake donganian angni dal·batgipa miksongani ong·e dongaigen.”
2004 bilsio AGP angko Dibrugarh Lok Sabhani candidate ong·na seokaha. Ua bilsio Tingkhang elakao bang·batgipa voterangko man·anian angni gisikoni chel·angkuja. Tingkhangni manderang angni ka·tongo dingtangmancha bia ra·a. Britishni chasongo Dibrugarh-Tinsukia jolni gita ia biapon cha bagan kulichengaha. Ia jolo koela, bol, cha bijak aro a·ningni to donganichian skangode ia biap a·gilsak gimikni bading-chiwalanio mongsonggipa damsa ong·achim. Assam Tea-ni bilsi 200 gapako manianian ia jolni cha bagano rake aro bimchipe kam ka·giparangko sakkirangchi mesoka. 2047 bilsio Indiako chu·soksranggipa a·song ong·atna miksonganio an·chingni kramchianirangba apsan jokdimgen. Dibrugarh constituencyko India a·songo mongsongbegipa biap ong·atna re·mikkanganian chingni manchigimin ong·a” Sarbananda Sonowal jinmana aganprake ua jolni mongsonggipa ong·aniko talataha.
Na·simang ia video-koba nina man·gen:
Na·simang iakoba poraina man·gen: Chief Minister Pema Khandu Mukto seat-na seokako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
