Nongpoh, Nov 22: Soil and Water Conservation Department-ni ning•o ga•akenggipa Conservation Training Institute (CTI)-ko Mawkhanu-ona jitatna mangsongenganina aro ua biapko Institute-ni palo Industrial Estate dakna mangsongskaenganina, sorkarini kosako jegale, Umpher 12 Mer, Amphanggre aro Matchokkgre songni manderang baksana Ri-Bhoi a•jani JAC nangrimenba jinma re•jomae jingjengataniko dakangaha.
Ia re•jomaaniko Umpher songoni a•bachengate CTI office-o dongtongataha.
Ia jingjengataniko dakengmiting somoio, sorkari iani bidingo manderango maming sing•sandiani gri aro u•iatani gri ia Institute-ko jitatna tik ka•aha ine dilgiparang matnangaha.
Ia jegale re•jomaanio, dingtang dingtang dolrang jekai, Khasi Students Union (KSU), FKJGP, RBYF, Byrnihat Citizens Forum, Garo Students Union (Ri-Bhoi Regional Unit), Byrnihat Women Society aro St. Jude Secondary School aro CTI-ni chatro chatrirangba dongpae chakpaaniko mesokangaha.
Ia jingjengatanio jingjengatenggipa dolrang, sorkarini kosako jegale segemin lekka pal•takrangko ra•e jingjengataha.
Indake, CTI-ko karkana ong•atskagenchim ong•ode ua jolo donggipa sak 3,000 manderangna jemangan buringo pangchake ringani chiko jakkalengachim uamangna neng•nikani ong•gnok aro samtangtango donggipa pilakkon rongtal an•talanirangoba nangchakegnok ine dilgiparang aganaha.
Ia re•jomaaniko daka ja•man JAC dilgiparang aro dingtang dingtang dolni dilgiparang iani bidingo chanchirimaniko dakaha aroba iandake nangchongmotgipa gamrangko gimaatna mangsongenganiko ra•chakahanina Skotong Minister-koba matnange aganaha. Una agreba, Skotong Minister-ko grongenba Memorandum-ko on•aba uamang tik ka•angaha.
Na·simang ia video-koba nina man·gen:
Na·simang iakoba poraina man·gen: Khyndailad-o palbadinge cha•giparangko dingtang biapona apjitna tik ka•aniko jegalgrima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
