Shillong, April 25: Bristibar salo, Confederation of Meghalaya Social Organisation (CoSMO), Garo Hills-o jajrengna nanggipa obostarang jekai niamgri napsrukbagiparang batroroani, tribal-rangna on·gipa bading chiwalani licence-rangko jakkalsretani baksana name nicheng sing·chenggija Trading by Non-Tribal (TNT) aro tribal ong·gijagipa jatrangna ramasamo pala simmaniko dakna licence-rangko on·ani bidingo Garo Hills Autonomous District Council (GHADC)-ni Chief Executive Member (CEM) Albinus R Marak-na memorandum-ko on·eaha.

Uamang gipin jatrangna name nicheng sanchenggija TNT licence-rang on·aniko dontongatchina aro tribal ong·gijagiparangni ramasamo pala simmanirangko nirokatchina u·iataha. Uasan ong·aigija, uamang licence-rangko see rakkianiko digital dakatan baksana, mongsonggipa napram biaprango TNT Licence Check Gate-rangko donani aro middleman-rangni jakchi tribal ong·gijagiparangna Tribal Trading Licence-rangko on·aniko dontongatchinaba mol·molataha.

CoSMO, tribal chong·mot ong·aniko naljoke rakkina gita niamrangko dingtangatna kamrangko ka·china GHADC-ko a·dok sorkario janapchina mol·molaniko dakataha. Iarangni bidingo uamang chanchirimaniko dakna gita, GHADC-o Special Session-ko ong·atenba, officially tik ka·anikoba dabiangaha.

Na·simang ia video-koba nina man·gen: 

Na·simang iakoba poraina man·gen: Pahalgam-o a·sel ong·aniko mittelanina M’laya-ni mande saksako rim·a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Instagram- www.instagram.com/ne_media_hub