Shillong, Aug 7: Badiaba badiaba biaprango COVID man·e sianggipa mandeni manggisiko noktangtangona ra·angna on·jaenga ine koborko man·soahani gimin sigimin mandeni manggisirangko noktangtangona ra·angna on·china sorkari, ge·etaniko on·ataha ine Sonibar salo Meghalaya a·dokni Health Minister Prestone Tynsong parakataha.
Health Minister-ni parakatani gitade, COVID man·e hospital-rango sianggipa manderangni manggisirangko noktangtangona ra·angna on·china indiba nok ning·o ra·napjachina gita sorkari, re·anggipa May jani 4 tarikon u·iataniko on·manahachim.
Indake ong·engon, badiaba badiaba song aro gittimrangko dilgiparang, sigimin mandeni manggisirangko noktangtangona ra·angna on·jaenga ine badi ka·anirangko man·soengani gimin sorkari, sigimin mandeni manggisirangko noktangtangona ra·angna on·jachina indiba nok ning·onasa ra·napna on·jachina ge·etaniko on·ataha ine Tynsong parakataha.
COVID-19-ko warachakna gita songni nokni dilgiparangna sorkarini gita dakchakanirangko on·ani bidingo janapatengon, re·anggipa bilsio sorkari, Covid Committee Management Team (CCMT)-na gong 5000 ka·e on·aha ine Health Minister parakataha.
