Shillong, June 14: Meghalaya a·doko songdongenggipa manderangna an·seng baljokaniko on·na gita health department rakbee kamrangko ka·enga ine Sombar salo Meghalaya a·dokni Chief Minister Conrad K Sangma parakatenba, department-o kam ka·enggipa aro hospital-rango kam ka·enggipa manderangni neng·nikanirangko ma·sina gita da·o uni ‘Covid Ward’-ko nieani somoio apsan dongpae bakko ra·angchina gita a·dokni MLA-rangko didiataha.
Meghalaya a·doko sanna banani cholrang aro kamrang chu·ongjaenga ine matnangnade namen altubea ine janapatengon, a·doko songdongenggipa manderangna nambatgipa sanna bananirangko on·na gita health department-o kam ka·enggiparang salo konta 24 kamko ka·enga ine Chief Minister talatangaha.
COVID-ni giproroaniara war ba dakgrikani gitasa ong·enga aro obostani kri bang·pagija cholrangchin a·dok sorkari, ia sabisini giproroaniko warachakna jotton ka·enga ineba Chief Minister parakataha.
Ia antini gisepon a·dokni Chief Minister, Shillong-o donggipa ‘Covid Ward’-ko nienaba gnang aro ua an·tangni Covid ward-ko nieani somoio MLA-rangkoba dongpachina didiataha.
