Tripura, Apr 8: Robibar salo, Tripura BJP dolni President, Rajib Bhattacharjee, INDIA bloc-ni ning•o bakrime CPI (M) aro Congress dolrangni ka•enggipa kamrang kakket ong•ja inenba matnangataha.
Kobor ra•timgiparang baksa agangrikengon, Rajib Bhattacharjee, “BJP dolsa dolgipin baksa ka•o nanggrike dinggrike kam ka•gipa ong•ja aro 2023 bilsio Tripura Assembly Election ong•anggiminko niatgenchimode, uan dakmesokaniba ong•a. CPI (M)-ni bilo ong•engmitingo, uamang bang•a kajia golmalrangko ra•baaha, indake ong•genchimoba, uamang da•alo democracy aro constitution-ni gimin janapenga” ine aganaha.
Unbaksana, Communist aro Congress dolni tangka paisa cha•ani aro kakketgijagipa kamrangni bidingo chu•onga gita sakkirang gnang, indiba da•alo uamang BJP-kosa matnangskaenga. Election-ni somoio, an•chi pari nikanirangko chinga gualna gita man•ja aro iandakgipa kamrangko ka•atesa, uamang indita bilsirangna bilo ong•angaha ineba ua agandapataha.
Indake, da•alo uamang, dingtang dingtang cholrangchi jekai, cha karkanarango kam ka•e cha•enghiparangoniko vote man•a jotton ka•enga. Indake ong•engon, CITU-ni gita ia karkanako nosto ka•na dingtang dingtang ja•kurangko de•angaha ineba Bhattacharjee aganaha.
Na·simang ia video-koba nina man·gen:
Na·simang iakoba poraina man·gen: Jaintiarang Chad Sukra-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
