Shillong, Mar 5: 2025-2026 bilsina Gross State Domestic Product (GSDP)-ni 2.96 percent ong•gipa gimik gong crore 1970-ni deficit budget-ko Budbar salo, a•dokni Chief Minister Conrad K Sangma, Assembly-ni budget session-o mesoke on•angaha.

Ia 2025-26 bilsina gong crore 5421-ni climate budget aro gong crore 6219-ni gender budget-koba CM mesoke on•angaha.

Chief Minister-ni parakatani gitade, ia bilsini budget-o chu•gimik receipt-rangara gong crore 30,415 ong•enga aro ianoni gong crore 25,591-de revenue receipt aro gong crore 4824-de capital receipt ong•enga.

Gro donggipa gong crore 4,788-ko changale total receipt-ko gong crore 25,627-na hisapaha ine talataniko on•angengon, total expenditure-na gong crore 30,003-ko hisapenga aro ianoni gong crore 20,556-kode revenue expenditure-na aro gong crore 9447-kode capital expenditure-na hisapenga ine Chief Minister parakataha.

Chief Minister-ni aganani gitade, crore 2406-ni loan payment-ko changale total expenditure-na gong crore 27,597-ko hisapenga.

2025-26 bilsio interest payment-na gong crore 1347-ko aro pension payment-na gong crore 1824-ko hisapenga ineba ua aganaha.

2032 bilsini gisepon Meghalaya a•dokko tang•dogimin a•dok ong•atna nisan donenga ine janapatengon, ia budget-an dal•rorona, kamrangko nakatatna aro manderangna an•seng baljokaniko on•na cholrangko on•gen ine Chief Minister aganaha.

2023 bilsio MDA 2.0 sorkariko songani somoion, 2028 bilsini gisepo Meghalaya-ko 10 billion economy ong•atna aro a•dokni GDP-ko gong crore 42,697-oniko changgni dake gong crore 85,000-ona bariatna aganmanaha ineba ua aganaha.

Meghalaya a•doko lekka porako tang•doatna gita sorkari, gong crore 3,654-ko Education department-na chamenga ineba Chief Minister parakataha.

Ia 2025-26 bilsini gisepo an•seng baljokani kamrangna gong crore 2176-ko, rama aro nokrangko rikani kamrangna gong crore 2,873-ko, bijolina gong crore 1088-ko, chirangna gong crore 866-ko aro gama ge•ani kamrangna gong crore 618 tangkarangko chamenga ineba Chief Minister aganaha.

Na·simang ia video-koba nina man·gen: 

Na·simang iakoba poraina man·gen: Batanggimin bilsi 7-o a•dokni economy-ko 11 percent-chi tang•doatna man•aha: CM

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub