Guwahati, Mar 16: Imphal aro Guwahati songjinmarango Narcotics Control Bureau (NCB)-ni gita am·sandianirangko dakenba, gong crore 88-ni drugs ba pekatgipa samrang baksana mande sakbriko rim·na man·aha.
Iani bidingo Union Home Minister Amit Shah, NCB-ko mittelpilatengon, India a·songo drugs badingsrukenggipa manderangna ka·sachakani dongjawa aro mikkangchiba iandake sam badingsrukgiparangko bon·atna kam ka·angkugen ine social media-o parakataha.
March-ni 13 tariko NCB official-rang, Lilong samba jolo truck bolsako rim·enba, ia truck garioniko kg 102.39 ong·gipa methamphetamine tablet-rangko man·aha. Ia samrang baksana mande sakgnikoba NCB official-rang rim·aha.
Apsan salon NCB-ni official-rang, Silchar sambao SUV bolsako rim·aha aro ia garioniko kg 7.48 ong·gipa methamphetamine tablet-rangko man·aha. Ia samrang baksana garini driver-koba NCB rim·aha.
Iana skang re·anggipa March 6 tarikoba NCB official-rang, Aizawl songjinmani Brigade Bawngkawn joloniko kg 46 ong·gipa drugs-rangko rim·na man·aha aro ia samrang baksana mande sakbrikoba rim·aha.
Na·simang ia video-koba nina man·gen:
Na·simang iakoba poraina man·gen: MLA Charles Pyngrope, Shillong-o traffic-ni a·sel neng·nikanirangko komiatna SkyTrain aro STEMS bus-rangko ra·bachina ku·pattia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
