Tura, April 17: “Aproaches to Quality enhancement: Strategies for Success at CUET” ine pangchakaniko donenba, CUET (PG) 2023-ni porikkana college-o poraienggipa pilak chatro-chatrirangko tariatsamsona gita North Eastern Hill University, Tura Campus-ni College Welfare and Advisory Committee baksa nangrime Williamnagar, Loyola College-ni Internal Quality Assurance Cell (IQAC), Sombar salo Loyola College-o workshop-ko ong·atangaha.
Ia workshop-o, NEHU, Tura Campus-ni College Welfare and Advisory Committee-ni Chairman aro Department of Rural Development and Agricultural Products (RDAP)-ni Associate Professor Dr. Binu Mathew, NEHU, Tura Campus-ni Department of Education-ni Professor Nikme Salse C Momin, mongsonggipa agangiparang ong·e CUET (PG) 2023-na tarisamsoani aro dorgastorangko on·ani bidingo chatro-chatrirangna agan-talataniko on·angaha.
CUET porikkana tarisamsoanio chatrorangna agan-ku·pattianirangko on·na aro porikkana dorgastorangko on·anio chatrorangni pilak jajaanirangna talatanirangko on·na gita ia workshop-o sing·anirangna aganchakanikoba ong·atjolaha.
Unomiting ia workshop-ona mongsong agangiparang ong·e sokgiparangko rimchaksoengon, uamangko Loyola College-ni sambagipa manderangan ong·a ine jinmao aganangenba, College-ni Principal, Dr. Sunny Augustine S.J, college-o poraigiparangni mikkangchi chua aro nambata gadangrango poraidapangani gimin chatrorangko tariatsamsoanio ia college dingtangmancha on·kange kamko ka·enga ine parakataha.
Iakoba poraie nina man·gen: W’nagar-ni MLA kamrangko matchotja ine matnanganiko W’nagar NPP jegala
