Tura, Apr 9: Dingtang dingtang cycle salsusaanirango chegipa ong•e mingsing minggamako man•gipa A•chik chadambe Taitus Ch Marak, ia bilsioba Asia Enduro Series aro a•gilsakni dingtang dingtang biaprango ong•atenggipa cycle salsusaanirango bakko ra•etaina miksongenga.
1998 bilsio atchigipa Taitus Ch Marak, chonaonin cycle salna gisiko nanggipa mande ong•e, dingtang dingtang cycle salsusaanirango bakko ra•rongaha aro ua mongsongbate Mountain Biking (MTB)-na gisik on•batgipa ong•e, a•songni gita aro a•gilsakni dingtang dingtang biaprango ong•atanggipa cycle salsusaanirango chu•sokanirangko man•aha.
2024 bilsini Asia Enduro Series-o ua overall rank-o brigipa biapko man•e chu•sokgipa ong•aha aro 2023 bilsio ong•atanggipa Asian Mountain Biking Championship-oba ua 8-gipa biapko man•e, a•gilsak gimikni cycle salsusaanio India a•songoni Top 5 aro Top 10-o biapko man•chenggipa ong•aha.
2024 bilsini National Championship-oba Taitus Marak, gnigipa biapko man•e chu•sokgipa ong•aha.
Indake ong•engon, ia bilsioba ua Asia Enduro Series-o aro Asia jolrango ong•atenggipa a•gilsak gimikni cycle salsusaanirango bakko ra•etaina miksongenga. Una agreba Taitus, Europe a•songrangonaba re•angna miksonganirang dongenga.
Na·simang ia video-koba nina man·gen:
Na·simang iakoba poraina man·gen: Bike gari cha·ugipa sak 6 ko Assamo rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
