29.2 C
Tura
spot_img

Da·ororo giproroenggipa sabisini tikako on·na tarigipa niamrangni gimin bang·gija ma·sie ra·na

Must read

Da·ororo giproroenggipa sabisini a·sel bang·a manderangan siangengahani gimin nanggitikan somoio jakkalna gita Bharat Biotech-ni tarigipa ‘Covaxin’ aro Oxford-AstraZenca-ni ‘Covishield’ samrangko Robibar salo Drugs Controller General of India (DGCI) ra·chakmanaha.

Da·o dipet ia tikarangko su·na gita ma·mong sorkari, bon·kamgipa Standard of Operation (SOP) ba niamrangko tarikujaengoba sorkarini u·iatgimino pangchake an·ching adita niamrangko ma·sie ra·na.

*Ia tikani skanggipa bako sak krorsamangni gita healthcare worker-rang, krorgnimangni gita frontline worker-rang aro uni ja·man kror 26-mangni gita bilsi 50 badegimin manderangna on·angchenggen.

*Health ministry-ni dongimin niamo pangchake, uni ja·man bilsi 50-na komikuenggipa manderangoni jemangan ma·manti saanirangko man·rongachim, uandakgipa manderangna skanggipa bako on·anggen aro iana Health Ministry, 2019 bilsini Lok Sabha skang tarigipa voter ID card-rangko nie on·anggen.

*Bilsi 20-oni bilsi 30 ong·enggipa manderangnade ia tikako sabisi giproroaniko aro sam donga donggijaniko niroke on·angskagen.

*Tikarangko salo aro biap damprako session-ni kri sak 100-nasan on·aigen indiba somoi aro nanganirang chu·onggenchimode tikako sak 200-na on·anggen.

*Tikarangko su·na gita India sorkari, ‘COVID Vaccine Intelligence Network (Co-WIN) digital platform system-ko jakkalna miksongenga aro ian tika jakkalgipa manderangko sandina dakchakani ong·gen. Ia app-ko da·o dipet tariengkumiting aro tarimanahaon pilak platform-rangon download ka·na gita man·gen. Manderang an·tangtangni Voter ID card, driving licence, pension document, Aadhar card ba passport-rangko jakkale altuaen ia app-o register ka·na man·gen.

 

spot_img

More articles

spot_img
-->

Latest article