Tura, Jan 15:Indiani President India Draupadi Murmu Turaona sokbae PA Sangma Stadiumo Meghalaya Gamesko oprake on·aha. Indiba uko oprake on·engon ua a·songni chubatao donggipa mandeni dakronggijako dake manderangko aiao inmanataha aro sakantini ka·tongkon nom·ataha.
Donsogimin somoio an·tangni agangniko agane President Murmu asongpilaha. Uni asongpilon tom·aniko chalaidilenggipa, Meghalaya Gamesko oprakani kattarangko aganataha, Indian flag-ni rongrangko ja·rike tarigipa belunrangko salgichina watdoahata.
Manderang nitobegipa belunrangni chadoangengko nitokmitingon rang·san aiao inmanbeani ong·aha. President Murmo re·bapile microphone-ko bi·taiaha aro agantaina a·bachengaha. Uan manderangko aiao inmanataha, maina President aganako matchote asongaonin re·bapile gipin kattarangko aganengachim.
Asongemitingo President mingsa ong·aniko u·iaha. Kal·susagiparang aro jatni chrokaniko mesoknasigiparang indita sin·ao mangglong gita ong·e konta 3 batpile uni sokbaako senge dongengachim. Uarangko u·ion Presidentni gisik ka·tongo nangchakeaha aro agangijan dongna man·jaha.
Chadamberangni sin·a chake indake sengsoe dongako u·ie President aganchakramona gadopilaha aro uko indita sin·a chake sengsotokoba maming apoti ka·a grigipa chadamberangko de·doe aro mittele aganeaha. Chadamberangni gisiko bilakaniko, sports kal·giparang ong·na krabeaniko President parakaha.
Presidentni indonga kam ong·ronggijagipa ong·a, maina an·tangni agana matchoto indita chugipa gadango donggiparang microphone ra·e aganepilrongja. Presidentni re·bapile aganeon sin·a chakgipa chadamberangni ka·tongrang ding·bomaha aro angkaramo donggipa sakantian Presidentna kamna mikchaaha.
Iakoba poraie nina man·gen: Chang 5-gipa Meghalaya Games 2024-ko a·songni President do·ga oe on·angaha
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
