Dalu, August 23: Re·anggipa August 21 tariko UDP doloni The Shillong Times songbad-o, Bang·a Congress-ni chadamberangan UDP dolona katnapengjok ine a·kange seaniko, Dalu Constituency-oni Congress Dilgiparang ian kakket ong·ja, kakketko aganode Dalu Constituency-o Congress dol chengonin bilakgipa dol aro da·alo ong·kuenga ine parakataha.

Songbad-o segatani gita, haida mitam manderang UDP dolo napange ia kattarangko aganengnaba donga indiba congress dolo biming segatgiparangoni da·o dipet darangba ong·kata dongkuja batesa MPCC aro MPYC-ni re·dilanio salsabatbat Congress dol bilakbatroroenga aro Dalu jolo bringimin jatrang songdongani gimin congress dolni miksonganirangko namnikbatgiparang ong·bata ine Congress-ni dilgiparangoni sechakataha.