Tura, May 8: Durama Association of Music and Arts (DAMA) baksana PRIME Meghalaya nangrimenba, re·baenggipa May-ni 12 tariko Tura-o donggipa Tree House Resort-o Bass aro Drums- ni bidingo workshop-ko ong·atnasienga aro ia workshop—o niksenggipa bassist Mohini Dey aro drummer Gino Banks-maang mongsonggiparang ong·e skie on·anirangko dakanggen ine Mongolbar salo koborna parakataha.
Ia workshop-ko, jaskuna ong·atenggipa Prime Music Incubation Program-ni bak gita Tura-o donggipa pilak doka-damanio gisiko nanggiparangna dingtangmancha Bass aro Drum-rangko skie on·na miksonge ong·atenga.
Workshop-o, saksa niksenggipa bassist aro AR Rahman, Steve Vai aro Marcus Miller, Guthrine Govan aro gipinrang baksa apsan kamko ka·bagipa Mohini Dey baksana, sakgipin niksenggipa drummer jean iana skangrango artist-rang jekai Zakir Hussain, John McLaughlin aro Shankar Mahadevan-maang baksa apsan dokrimbagipa Gino Banks -maang, doka-damani dingtang dingtang dakgiparangko skie on·an baksana bakko ra·enggiparangni sing·aninaba uamang aganchakanirangko on·angjolgen.
Ia Workshop-ni ja·man, Mohini Dey-ni MAMOGI band, salgipino, chong·motan May -ni 13 tariko Tura Auditorium-o concert ong·atgipao manderangna dakmesokangskagen.
Tura-o ong·atnasienggipa workshop aro concert-ara sakanti doka-damanina gisiko nanggiparangna aro skie ra·dapna nangnikenggipa sakantina namgipa chol ong·engani gimin, ia namgipa cholko ra·na nangnikgiparangko gong·raken bimingtangtangko segatsochina gita u·iatanikoba on·atjolaha.
Workshop-na bimingko segatna aro iani gimin talbate ra·na gita, Durama Association of Music and Arts (DAMA)-o [email protected] -o koborko ra·na man·gen ba uamangni website www.dama.co.in -ko kullie nina man·gen.
Iakoba poraie nina man·gen: Ri-Bhoi a·jao ge·sni dokan nokrangko wa·al kama
