Tura, Oct 04: Music ba doka-damanina gisiko nanggiparangni ru·utbea salrangoni nisengsoenggipa Prime Music Incubation Grand Finale-ko re·baenggipa October 14 tarik, chong·motan Sonibar attamo Tura, Asanang Playground-o ong·atnasienganiko Durama Association of Arts and Culture (DAMA), Butbar salo u·iataha, aro ia Grand Finale-ko Durama Association of Arts and Culture (DAMA) aro PRIME Meghalaya nangrime ong·atanggen.
Ia dal·e ong·atnasienggipa Grand finale-ko batanggimin jasku somoiorango A·chik a·songoni sak 18 mangni gita doka-damanio gisik nanggipa aro sapgiparangni bakko ra·e dingtang dingtang dakgiparangni gimin skie ra·aniko dakanggipa Incubation programko matchotatani bak gita ong·atenga, jeon dingtang dingtang manderangchi skie on·aniko man·rikgipa, programo bakko ra·gipa sak 18 dokgipa-damgiparangni an·tangtangni changa-sapanirangko manderangna dakmesoke on·angskaniko nikangna gita man·gen.
Dingtangmancha donsoenggipa boksisrangko man·na gita, ua sak 18 artist-rang unsal Grand Finale-o susaanggen aro iano chegiparang, uamangni changa-sapanina ra·chakakosan man·aigija, uamangni doka-domaniko mikkangchi ra·doanga baksana janggi tangani cholko dake ra·na gita uamangna namgipa cholba ong·jolenga.
Attamni programko dingtangmancha an·saobatatna gita, ia Grand Finale-o A·chik a·songoni mingsinggipa artist-rangoni Nokpante, Riprap, Da Suraka-ko man·chape Nagaland a·dokoni Abdon Mech-ni dakmesokanikoba nikangjolna gita man·gen.
Iakoba poraie nina man·gen: Sikkim-o chi bananichi sak 23 Army-rang gimaenganina M’laya CM suk ong·gijaniko paraka
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
