Shillong, May 1: Meghalaya a•dokni higher secondary skulrango biaprang chu•onggijaniko namatna aro sorkari skulrango academic stream-rangko sualani apsan ong•jaengani gimin secondary skulrangko higher secondary-ni gadangona ra•dona aro higher secondary skulrangko namdapatna gita Bristibar salo a•dokni Cabinet tom•e chanchirimangenba ra•chakangaha.
Cabinet tom•ani ja•man kobor ra•timgiparangna talataniko on•angengon, da•o dipet a•dokni higher secondary skulrango ge 12,000 biaprangkosan on•na man•engani gimin aro jillarango higher secondary skulrangni biap on•anirang apsan ong•jaengani gimin damdok sorkari secondary skulrangko higher secondary-ni gadangona ra•dona sorkari tik ka•angaha ine a•dokni Cabinet Minister Paul Lyngdoh parakataha.
Lyngdoh-ni parakatani gitade, higher secondary-ni gadangona ra•dona sorkarini tik ka•gimin sorkari skulrangara, East Jaintia Hills-ni Rymbai Secondary School, Umthlong Nongkhliew (Arts & Science stream gnang), Nongtalang Secondary School, Tirot Sing Memorial Secondary School, Tura Public School aro Jowai Public School ong•a.
Ia damdok secondary skulrangko higher secondary-ni gadangona ra•doanichi komibeoba ge 9000 seat-rangko on•dapna man•gen ine sorkari ka•dongenga.
Indake ong•engon, higher secondary skulrango gital stream-rangko ra•gatna gitaba ia tom•anio Cabinet ra•chakangaha aro uan science stream-ko Nongkhlaw-ni Tirot Sing Memorial HS School-o, commerce stream-ko Tura-ni Govt Boys HS School, West Garo Hills a•jani Dalu Secondary School, Baghmara HS School, Jowai-ni Govt Boys HS School aro Sokha HS School-o ong•gen.
Una agre Arts stream-ko Jirang HS School, Resubelpara HS School, Mawkyrwat-ni Maharam HS School-o ra•gate, Science aro Commerce stream minggnikon, North Garo Hills-ni United Kharkutta HS School aro Malangkona HS School-o ra•gatna sorkari tik ka•angaha.
Na·simang ia video-koba nina man·gen:
Na·simang iakoba poraina man·gen: Mitchi-sosiarangko ripakalani kol ba machineko Guwahati IIT bikota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
