Williamnagar, Aug 14: East Garo Hills a•jani Darimgre Water Supply Scheme-ko, Meghalaya a•dokni PHE Minister Marcuise N Marak, a•bachengate on•angenba, ia scheme-ko Pakwatani Certificate-ko songni president-na on•angaha.
Ia water supply scheme-ko a•bachengatani somoio PHE Simsanggre Circle-ni Superintending Engineer Jebulun M Sangma, PHE Simsanggre Division-ni Executive Engineer Sujeet P Marak, PHE Simsanggre Division-ni SDO Tengchrang G Momin aro PHE Rongjeng Sub-Division-ni SDO Sengkam P Marak-ba dongpae bak ra•angaha.
Ia Darimgre Water Supply Scheme-na Jal Jeevan Mission-ni ning•o gong crore 1 lak 28 tangkarangko 2022 bilsini December jao chame on•ahachim aro kamrangko ia 2023 bilsini January jao a•bachengatenba, ia apsan bilsini July jao matchotahachim.
Ia Darimgre songara, Samanda C&RD Block-ni ning•o donggipa song ong•a aro ian Williamnagar-oni km 7-mang chel•ao donggipa song ong•a. Ia songo te 110 nokdangrang donga.
Ia Darimgre Water Supply Scheme-ko a•bachengate on•angani somoio a•dokni PHE Minister Marcuise N Marak, jinmana aganprakangengon, India a•songo songdongenggipa manderangna ringani chirangko sokate on•na gita Jal Jeevan Mission-ko a•bachengatahani gimin a•songni Prime Minister Narendra Modi-ko mittelpilangaha aro JJM-ni kamrango pilak nanga dakchakanirangko on•engani gimin a•dokni Chief Minister Conrad K Sangma-koba mittelpilangaha.
Bakkandikbegipa somoion ia Darimgre Water Supply Scheme-ko chalaina man•ahani gimin Marak, PHE-ni JJM official-rangkoba mittelpilangaha aro ia scheme-ni tengki name nirokan baksana chirangko simsake jakkalchina gitaba ua songni manderangko didiangaha.
Iakoba poraie nina man·gen: Ri Bhoi a•jao Prime Hub aro Pineapple Processing Unit-ko CM kulie on•a
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
