Tura, Dec 6: Manderangni jaktangchi tarigipa ma•manti bosturangko palna sim•na gita Bristibar saloni a•bachenge West Garo Hills District Commerce & Industries Centre (DCIC), Christmas Pop-up Sale-ko salgnina ong•atangaha aro ia pala sim•ani program-ko Tura Municipal Board (TMC)-ni Chief Executive Officer (CEO) Rikse R Marak, do•ga oe on•angaha.
Ia Pop-up Sale-o Tura DCIC-ni dingtang dingtang Departmental Training centre aro Training scheme-rango skie on•gipa manderangni jaktangchi tarigimin bosturangko palangaha.
Master Craftsman Scheme aro Rural Artisan Program-ni ning•o ma•manti bosturangko tarina changgipa sapgipa manderangni tarigimin bosturangko ia Pop-up Sale-o mesokan baksana palna sim•na man•aha aro ia bosturangko komia damrango palaha.
Ia program-ko ong•atanio, Tura DCIC-ni General Manager DFR Marak, gipin official-rang aro Tura songjinmani dingtang dingtang biaprangoniba manderang re•bae bak ra•angtokaha.
Ia Christmas Pop-up Sale-ko ong•atani bidingo DCIC-ni Functional Manager Biondie Shira, Hub News-na talate on•angengon, ian tangka paisarangko man•dapna miksonge ong•atasan ong•aija indiba ma•manti bosturangko tarina changgipa sapgipa manderangna pala sim•ani bidingo u•iatna ong•ataniba ong•aha ine parakataha.
Na·simang ia video-koba nina man·gen:
Na·simang iakoba poraina man·gen: Climate Investments & Technology Impact Summit-ko ong•atanio Conrad bak ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
