Tura, Dec 5 : Garo Hills-ni Tura jilao donggipa Asibra Estate-o December jani 5 tarikoni 7 tarikona, North East Riders Meet (NERM)-ko NH 51 R.E.B.E.L.S-ni gita ong•atanggen, ian Royal Enfield Motorcycle Club dolsa ong•a jekon 2008 bilsio Tura-o a•bachengataha.
NERM, ian motorcycle jakkalgiparangni dal•batgipa tom•bimongani ong•a, jeon bang•a Salgro Salaram jolrango motorcycle jakkalgiparang baksana gipin a•songrang jekai Nepal aro Bhutan-rangonikoba re•bae bakko ra•aniko nikna gita man•ronga.
Ia sal 3-na ong•atenggipa tom•anio, camping, jatni bewalo dakmesokanirang, kal•susaanirang baksana Salgro Salaram jolo aro Mumbai-o mingsinggipa git ring•gipa dolrangni git ring•anirangkoba nikanggen. Ia tom•bimonganiko ong•atani miksonganiara uan motorcycle salna gisiko nanggiparangko gisik ra•aniko dakengon, Garo Hills-ni apalbegipa jatni dakbewal rikbewalrang aro nitoaniko ra•dona miksonganio ong•a.
Ia tom•aniko ong•atanichi, jolo tourism-ko ra•dona gitaba ka•dongsoenga maina rider ba motorcycle salgipa dolrang, tom•bimongani a•bachengna aro matchotna skang Garo Hills-ni ning•o aro uni wilwilao donggipa pilak biaprangona re•ange nianirangko dakanggen. Bang•a songregipa dolrang camp ba tambu-rango aro mittamrang Tura-ni home stay-rango donganggen. Gipin biaponi re•bagiparang A•chik jatni dakbewal rikbewalrangni gimin nie nike ra•angna man•a gita jolo songdongenggipa pala simmanina gisiko nanggipa manderang jatni bewalo jaktangchi tarigipa bosturang aro sola repanirangko palna dokkanrangko kulina gita man•gen.
NH 51 R.E.B.E.L.S-ni Hub news baksa agangrikengon, Tura-ona ia NERM-ko ra•bana man•ahani gimin kusi ong•aniko parakatengon, ian A•chik jatrangni ka•sae soka chakani aro namgipa bewalrangko a•gilsakni manderangna mesokatna gita nambegipa cholba ong•a ine aganangaha.
Ia tom•bimonganiko gisiko ra•na krabegipa ong•atna gita, jolo songdonggipa manderangko re•baenba gipin biaponi re•bagipa rider-rangko Salam ka•echina aro uamangni nangan salo dakchakaniko on•china gita sakantion ia tom•aniko ong•atgipa dolrang mol•molaniko dakangaha.
Ia tom•bimonganiko ong•atna tangka paisani gita dakchakgiparang baksana Meghalaya a•dok sorkari aro Meghalaya tourism-koba ia tom•aniko ong•atna dakchakpaaniko on•ahanina, motorcycle club-ni gita demittelangaha.
Na·simang ia video-koba nina man·gen:
Na·simang iakoba poraina man·gen: Tura-ni ‘Paint My City’ campaign-ko a•dokni CM internet gita a•bachengate on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
