Delhi, April 21: Sukrobar pringo, ukil saksa me•chik saksako Delhi-ni Saket court-o an•tangni silchidarechi goaha ine Delhi police-rang kobor on•aha.
Police-rangni u•iatani gitade, ia me•chikko ua ponggittam ba pongbri gulirangchi goaha aro ja•mano ia me•chikko bakan All India Institute of Medical Science (AIIMS)-ona ra•angaha.
Da•o ia me•chikko hospital-ni doctor-rang sanenga indiba uni obostarang namjabatenga ine kobor on•timgiparang parakataha.
Re•anggipa bilsini September 24 tarikoba, silchidare ra•bitgipa mande sakgni, ukilrangni gandingko gane Delhi-ni Rohini court-o mande saksako goahachim. Ia manderang ja•mano police-rang baksa gogrike so•otako man•skaahachim.
