Guwahati, Mar 24: Assam Legislative Assembly-ni Deputy Speaker Numal Momin-ko Assembly-ni a•palo chadrapna jotton ka•aha ine BJP-ni dilgiparang, Congress MLA Nurul Huda-ko matnangani ja•man Sombar salo, da•o ong•atenggipa Assembly-ni Budget Session-o bilakbee jegrikanirangko nikangna man•aha aro uandaken session-ko minute 10-na dontongatna nangao ga•akaha.
Assembly-ni Deputy Speaker Numal Momin-ko re•anggipa antio, Assemly-ni a•palo chadrapna jotton ka•aha ine Congress dolni MLA Nurul Huda-ko matnangahani gimin Sombar salo Congress dolni MLA-rangba, gisim ganding chindingrangko gane, BJP-ni MLA Rupjyoti Kurmi-ni kosako jegalanirangko dakangskaaha aro uandaken Assembly-ni Session-o dolgni bilakbee jegrikaniko nikangna man•aha.
Session a•bachengna skang Congress aro All India United Democratic Front (AIUDF)-ni membor-rang, Speaker-ni chamber a•palo jinma asonge jegalanirangko dakangaha aro BJP MLA Kurmi-ni kosako rakgipa ja•kurangko de•china dabiangaha.
Iani bidingo Assam-ni Chief Minister Himanta Biswa Sarma-ba Assembly Speaker-ko nanga gita ja•ku de•china didiangaha.
Chief Minister-na aganchakaniko on•angskaengon, ia a•selni bidingo police-rangni am•sandianirangko dakgija Assembly committee-ni gita am•sandichina dabiangskaaha.
Dolgnini gisepo iandake jegrikanirang ong•katahani gimin Assembly-ni Speaker Biswajit Daimary, Session-ko minute 10-na dontongataha.
Na·simang ia video-koba nina man·gen:
Na·simang iakoba poraina man·gen: M’laya-o Rehab Centre-ko rikchina Dr. Sandy Syiem didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
