Tura, July 17: District Football Association (DFA) Tura, State Level Subroto Mukherjee Cup Football Tournament 2024-ko Shillong-o ong•atgipao Government Boys Higher Secondary School (GBHSS)-ni me•asa dolni U-15 gadango kal•susaae 2-gipa biapo chebaahanina, Mongolbar salo Chandmari Football Turf-o mande ra•e mitelpilskaaniko dakangaha.
Tura Football League-ni skanggipa bakko kal•suaaani neng•takani somoio cholko ra•enba, DFA, state level kal•susaanio West Garo Hills a•jani gita bak ra•e 2-gipa biapo chebagipa chadamberangko mande ra•pilskaaniko dakangaha.
Ian Garo Hills a•jaoni State Level Subroto Mukherjee Cup Football Tournament-ni Under-15 category-o kal•susaani final-ona dochenggipa ong•achim.
Bilsi 20 mangna skang, Garo Hills a•jaoniba state level kal•susaanio final-ona dogipade dongahachim indiba uan Under-17 category-osa ong•skaachim.
GBHSS Football Team, batanggimin jao District Level Subroto Mukherjee Cup Football Tournament-ko Tura-o ong•atanio chegipa ong•e, West Garo Hills a•jani palo state level kal•susaanio bak ra•na cholko man•paaha.
Uamang ia state level kal•susaanio, bilongen rakgipa dolrang baksa kal•susaangaha jekai, South Garo Hills aro South West Khasi Hills baksa League stage-o susaangaha aro semi-final-o East Khasi Hills dol baksa kal•susaanioba uamangko amaha. Indake, final kal•susaanio, uamang Ri-Bhoi a•jani dol baksa kal•susaangenba 2-gipa biapko man•e chegipa ong•aha.
West Garo Hills dol baksana, skie on•enggipa Adam A Sangma aro manager Nancy A Sangma-koba DFA Tura mande ra•e mitelpilskaaniko dakangaha.
Na·simang ia video-koba nina man·gen:
Na·simang iakoba poraina man·gen: Assam Medical College-o taritaigimin Pathology Heritage Museum-ko nokdonggae on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
