Guwahati, September 17: September jani 15 tariko, Board of Secondary Education Assam (SEBA)-ni ong•atgipa, Assam Direct Recruitment Examination (ADRE)-ni segimin question paper-rangko giproroatanio bak donggipa sak 3 manderangko Dhemaji police dolrang rim•aha.
Iani bidingo rim•a man•gipa sak 3 manderangara, SEBA-ni jachipchang ra•na rakkigipa Mangal Singh Basumatary, jean salni 1:30 bajio porikka matchota jaman question paper-rangko jachipchang ra•gipa ong•an baksana ku•chakeba ra•aha. Iano sakgipin bak dongpagiparangara Upendra National Academy Examination Centre-o invigilator ba porikka seanio nirokaniko dakna seokako man•gipa, Manohar Narzary aro saksa candidate jean niamgri question paper-rangko ra•chakenba gipatroroatgipa Dwijen Boro ong•achim.
Assam a•dokni Director General of Police (DGP), GP Singh-ni aganani gitade, haida ian a•doko kamna ra•ani bewalrangko bilgriatna miksonganio dakani ong•enggen ine janapatengon, iako maini gimin dakahachim uko chu•gimik kattarangko talna gita aro saoba iano bak dongkugiparang dongkuenga ong•ode uko u•ina aro rim•na gita am•sandie nianirangko dakengkua. ADRE-ko ong•ata jaman konta 30-ni jaman ia jakkalgimin question paper-rangni jachipchangko online gita niksona gita man•aniara kakket ong•e porikka ra•ani kosako chanchina nanganirangko nabaataha. 2024 ADRE-ni Standard Operating Procedure (SOP)-o dongimin niamrangni gitade jakkalgimin pilak OMR sheet-rang, jakkalkugijagipa anwer sheet-rang, attendance sheet-rang aro report-rangko centre-o nirokaniko dakna seoka man•giparang, watata man•gipa magistrate-ni dongpaanio name tarie seal su•enba, porikka matchota bakan iako donchakna gita a•jatangtangni DC office-o dingtangmancha tarigimin nokdringona watataniko dakrongachim.
Una agre gipin bosturang jekai jakkalgimin aro jakkalkugijagipa question booklet-rangkode, jamano Assam-ni Board of Secondary Education (SEBA)-na watatpilna gita dingtangmancha tarie donaniko dakskaa. Ia indake simsakanirangko dakani gisepon, ia indake question paper-rangni online gita giproroaniara, ADRE porikkako ong•atanio, kakket ong•e ong•atani aro iako ong•atenggiparangni kosako sing•anirangko nabaatan baksana jajrenganirangkoba ong•katata.
ADRE-ni question paper-rangko giproroatani ba internet-o wataniko champengna man•a gita pringni 10 bajioni 1:30 bajiona mobile internet-rangko champengatgenchim ong•oba, number 1035034 donggipa jekon porikka matchota jaman attamni 2:17 bajini mohor su•a gnang social media-o giproroaniara jajrenganiko ra•baaha.
Social media-o giprorogipa jakkalgimin question paper-ara, Dhemaji a•jani Simen Chapori-ni Upendra National Academy-o jakkalgipa ong•achim.
Jakkalgimin question paper-rangko jachipchang ra•a jaman ua adita manderangnaba uko watataha aro ua manderangko rim•na gita da•o adita am•sandianirangkoba dakengkua, inenba DGP agandapataha.
Na·simang ia video-koba nina man·gen:
Na·simang iakoba poraina man·gen: State Quota-o MBBS-ko poraienggiparang M’laya-ona re•bapile kam ka•na nanga: Ampareen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
